O Concello de Alfoz, preocupado ante a acumulación de lixo en puntos do municipio
![lixo_alfoz](https://amarinaxa.com/wp-content/uploads/2024/04/lixo_alfoz.jpg)
O Concello de Alfoz mostra a súa preocupación polo lixo que se está acumulando dende hai tempo nas cunetas en determinadas zonas do municipio. Unha das moitas virtudes que posúe Alfoz é poder pasear en plena natureza, escoitando os sons naturais dos animais e gozando das cores que ao concello lle outorgan as estacións do ano.
Mais dende uns anos a esta parte estase a apreciar a acumulación de lixo nas cunetas de determinadas zonas, sobre todo con latas de cervexa e envoltorios de friame, feito que fai que o noso concello perda valor natural dando unha mala imaxe tanto para a veciñanza como para persoas visitantes.
O Concello, apoiando unha iniciativa veciñal, pide colaboración á veciñanza e aos visitantes para manter o noso concello limpo. Tamén a participación nas campañas de recollida que en breves se programarán por varios veciños decididos a ver reducido o impacto ambiental que provoca tal feito.