O Concello cervense concede de novo as axudas dirixidas ás Anpas
O Concello de Cervo concede de novo as axudas dirixidas ás Anpas dos distintos centros escolares do municipio. Así, o rexedor, Alfonso Villares, e a edil de Educación, Dolores García Caramés, fixeron entrega das contías correspondentes ás Anpas do CEIP de Cervo, o CEIP Península da Paz e o IES Marqués de Sargadelos.
Tal e como sinalou o alcalde, Alfonso Villares, “con esta liña de axudas pretendemos brindar un apoio económico para que as asociacións de pais e nais poidan facer fronte aos seus gastos de funcionamento, e así poder contribuír no fomento de actividades educativas e lúdico-culturais que buscan reforzar o progreso formativo do alumnado”.
Esta liña de axudas, que supón 1250 euros para cada Anpa, complementa outras que dirixe o Concello de Cervo á comunidade educativa, como as axudas para material escolar ou ao transporte do alumnado que estuda fóra do termo municipal.