O Comité de Alcoa volverá reunirse coa empresa o próximo 6 de novembro
O comité de Alcoa informa de que a empresa o convocou para o próximo día 6 de novembro a unha reunión a celebrar nas instalación de San Cibrao. A maioría do comité de empresa, ao igual que na convocada polo mesmo motivo en Madrid, esixe que estean as administracións, xa sexa presencialmente ou por videoconferencia. Para coñecer cal é o alcance dos posibles acordos entre Alcoa e administracións e valorar a asistencia a dita reunión.
Tamén, din dende o comité, solicitaron ao Ministerio de Industria que lles confirme que a semana do 11 de novembro vai convocar a reunión de seguimento, "como algunha responsable da dirección de Alcoa está dicindo aos traballadores". Reunión non realizada no terceiro trimestre, sendo este o foro que reclaman para solucionar o incumprimento de Alcoa.