O comité de Alcoa confía nos acordos enerxéticos de Greenalia e Capital Energy
O presidente do comité de empresa de Alcoa San Cibrao, José Antonio Zan, informou que este venres Greenalia e General Energy reuniranse e "espera que cheguen a un acordo para a construción de parques eólicos na zona co fin de abaratar a factura enerxética".
Segundo Zan, "mañá venres sería o último día para asinar o acordo e Endesa sería o 30 de xuño", coa creación deses parques poderíase facer fronte a eses "2.400 millóns de megawatts que precisa a planta de San Cibrao ao ano".
"Se finalmente asinan unha PPA este 20 de maio sería unha boa noticia, xa que aseguraría a operación a longo prazo porque este tipo de parques eólicos son a dez anos e poden ser incluso máis", explicou Zan. Tamén informou de que se está a negociar a patencia polo consumo real de cada hora pois Alcoa consume uns 410 megawatts á hora e esta potencia é o 1,5 por cento do consumo nacional.
Finalmente confirmou que o próximo 2 de xuño haberá unha nova reunión da comisión de seguimento no Ministerio de Industria en Madrid.