O Club Os Sendeiros de Foz presenta un amplo calendario de actividades para 2026
O Club de Montañismo Os Sendeiros de Foz presentou o seu calendario oficial de actividades para o ano 2026, unha programación ampla que se estenderá de xaneiro a decembro e que combina sendeirismo, montaña, rutas costeiras, encontros tradicionais e actividades especiais en distintos puntos de Galicia e doutras comunidades autónomas.
O calendario arrincará en xaneiro cunha saída a Reis (Barreiros) o día 4 e unha ruta polos Muíños de Abadín o día 25. En febreiro, o club desprazarase ata Asturias para realizar a ruta do Cabo de Vidio e a Praia do Silencio o día 15, mentres que o día 21 terá lugar un cocido de convivencia.
No mes de marzo, a actividade levará aos participantes ata Ayer, o día 8. Abril incluirá dúas citas destacadas: o Día do Sendeirista en Asturias, o día 12, e unha ascensión ao Pico Pienzu, o día 26. En maio celebrarase o Día do Sendeirista en Galicia o día 17, seguido dunha ruta pola Pontenova o día 23.
Xa en xuño, o calendario contempla unha ruta pola costa naviega o día 14 e unha saída de varios días á Ruta do Mulhacén, en Granada, entre o 24 e o 28. Xullo chegará con propostas como a Andaina Cancro, o día 4, a actividade de sábados de verán, o día 25, e a tradicional baixada en piraguas polo Sella, o día 26.
Durante o mes de agosto manteranse os sábados de verán os días 8 e 22, ademais dunha ruta nocturna o día 15. Setembro contará coa participación no encontro de Veteráns de Galicia, o día 20, e no encontro estatal de Veteráns da FEDME en Bolea (Huesca), o día 26.
En outubro, Os Sendeiros de Foz realizarán a ruta do Camiño Vello de Aldosende a Portomarín o día 4. Novembro incluirá a Ruta Carlos V en Tazones, o día 22, mentres que o calendario pecharase en decembro cunha saída a Roncadoira–Celeiro o día 8 e a tradicional visita ao Belén de Cumes, o día 13.
Desde o club destacan que esta programación busca combinar actividade física, coñecemento do territorio e convivencia, mantendo o espírito participativo que caracteriza a entidade e animando a persoas socias e afeccionadas a sumarse ás distintas propostas ao longo do ano.