O CIFP Porta da Auga de Ribadeo oferta tres cursos gratuítos para desempregados
O Centro Integrado de Formación Profesional (CIFP) Porta da Auga, situado en Ribadeo, presenta tres novas accións formativas gratuítas dirixidas a persoas en situación de desemprego. Estes cursos, que se desenvolverán entre abril e xullo, permitirán aos participantes adquirir experiencia práctica a través de prácticas en empresas, con opción de recibir axudas económicas para a súa realización.
Ademais, ao finalizar os cursos, os alumnos poderán obter o certificado de profesionalidade. Os cursos ofertados son os de Operacións auxiliares de mantemento en electromecánica de vehículos, Atención sociosanitaria a persoas dependentes en institucións sociais e Operacións auxiliares de revestimentos continuos en construción. A selección dos participantes realizaráse o vindeiro xoves, 3 de abril, ás 16:30 horas no propio CIFP Porta da Auga.
Para formalizar a inscrición ou obter máis detalles sobre os requisitos e contidos dos cursos, as persoas interesadas poden dirixirse ao centro educativo ou chamar ao número 982.12.88.94.