O Burela abre a súa escola deportiva aos máis pequenos
O día 28 de maio abriuse o prazo de inscrición para que nenas e nenos de entre 5 e 17 anos poidan probar as Escolas Deportivas do Burela FS de forma gratuíta do 4 ao 17 xuño. As inscricións, así como consulta de horarios e categorías, realízanse a través da plataforma cluber.
Estas xornadas de portas abertas están pensadas para que as nenas e nenos que sexan ou se atopen estes días na comarca da Mariña poidan probar o deporte do fútbol sala e valorar se lles interesa continuar practicándoo nas nosas escolas, cos mellores profesionais. Poderán apuntarse segundo a categoría á que pertenzan, por idade e xénero. As Escolas Deportivas Burela FS contan con todas as categorías de ambos os xéneros e mixta para os máis pequenos.
Contarán con adestradores e colaboradores moi experimentados cos que aprenderán tanto as técnicas e estratexias máis básicas do propio deporte como os valores morais e didácticos intrínsecos no mesmo. Cada ano recibimos máis nenas e nenos nas nosas Escolas e queremos continuar medrando ao mesmo ritmo durante este próximo ano, en todas as categorías.
Haberá Categoría Mixta para os Biberóns, nenos e nenas nados en 2017 ou 2018, que poderán probar os luns de 16.30h a 17.30h en Vista Alegre ou martes de 19.30 a 20.30 en Os Castros, e Prebenxamíns, nacidos en 2016 ou 2017, con sesións os martes de 17.30h a 18.30h en Vista Alegre e xoves de 17.30h a 18.30h nos Castros. Na categoría Masculina poderán apuntarse na categoría Benxamín, nenos nados en 2014 ou 2015, os luns de 19.30h a 20.30h no Pavillón Monte Castelo e venres de 17.00h a 19.00h no Pavillón Vista Alegre.
Na Alevín, nenos nados en 2012 ou 2013, terán sesión os luns de 20.30h a 21.30h e xoves de 18.30 horas a 19.30 horas no Pavillón Monte Castelo. Na categoría Infantil, nacidos en 2010 ou 2011, serán os luns de 20.00h a 21.00h nos Castros, martes de 20.30h a 21.45h no Pavillón Vista Alegre e xoves de 20.00h a 21.30h en Os Castros. Na categoría Cadete, nacidos en 2008 e 2009, será mércores de 20.00h a 21.15h en Vista Alegre e os venres de 19.00h a 20.30h no Pavillón Monte Castelo. Os Xuvenís, nacidos entre 2005-2007, só menores de idade, poderán probar os mércores de 21.15h a 22.45h e venres de 19.00h a 20.30h en Vista Alegre.
Na categoría feminina haberá un grupo de Benxamíns e Alevíns, nacidas entre 2012 e 2015, que terá sesión os luns de 17.30h a 18.30h no Pavillón Vista Alegre e xoves de 19.30h a 20.30 horas no Pavillón Monte Castelo. As mozas de categoría Infantil, nacidas en 2010 e 2011, poderán probar luns de 18.30h a 19.30h en Vista Alegre e xoves de 20.30h a 21.45h no Pavillón Monte Castelo. Cadetes e Xuvenís (nadas entre 2005 e 2009, incluídos) teñen sesións os luns de 21.00h a 22.30h en Os Castros, xoves de 17.30h a 18.45h en Vista Alegre e venres de 17.30h a 19.00h no Pavillón Monte Castelo.