O BNG de Viveiro mantén que a solución ás asociacións pasa pola creación dunhas bases de concorrencia para a adxudicación
O BNG de Viveiro mantén que a solución ás asociacións viveirenses pasa pola creación dunhas bases de concorrencia competitiva para a adxudicación de subvencións.
"Tal e como defimos xa no 2021, cando o BNG se reuniu coas asociacións para poñer en común unha moción para aplicar subvencións por concorrencia competitiva, o BNG mantén que ea creación destas bases son necesarias para un reparto de fondos públicos en baixo criterios de obxectividade, concorrencia e publicidade que garantan transparencia", di Miriam Bermúdez, voceira do BNG.
Unha proposta na que se defendía a participación das asociacións na elaboración do texto que establecería os criterios de adxudicación, "pretendendo acadar unhas subvencións concedidas en base a criterios consensuados. Posicionamento que se sustenta no reparto equitativo tal e como se fai en administracións superiores como a Deputación ou a Xunta de Galicia", sinala Bermúdez.
De terse aprobada esta moción naquel momento, "as asociacións contarían cun documento que regularía e garantiría a correcta adxudicación das axudas, permitindo a correcta programación e organización da súa actividade".
https://galiciaxa.com/2023/12/amxa/zonas-amxa/viveiro-amxa/245891/