O bispado de Mondoñedo suspende as procesións de Semana Santa

Este será o segundo ano sen procesións de Semana Santa na diócese de Mondoñedo-Ferrol debido á incidencia da covid-19.

Este será o segundo ano sen procesións de Semana Santa na diócese de Mondoñedo-Ferrol. Así o comunicou o bispado nun comunicado no que alega que a incidencia da enfermidade podería agravarse coa concentración de persoas nas rúas.

Xa o ano pasado tiveron que ser suspendidas polo estado de alarma e este ano repítese a situación.

Así recoméndase ás confrarías que potencien o seu perfil sociocaritativo, axudando a persoas con dificultades, e ademais suxírese a os fieis que participen, tendo en conta as restricións que impón o coronavirus, en celebracións litúrxicas.