O 29 de xullo será a sexta edición do festival viveirense Ether
Este ano volve o festival Ether, que chega a súa sexta edición, e será o vindeiro 29 de xullo. Polo momento non se coñecen os artistas nin o cartel completo pero o que si se sabe é que mudan a ubicación dos xardíns Noriega Varela.
A edición deste ano apostará por un cartel igual de completo a respecto da edición anterior en termos de artistas e variedade de estilos musicais, colocando Ether como un festival de música electrónica de referencia en Galicia. Os artistas serán confirmados nas próximas semanas.
A oferta cultural ofrecida polo Ether o ano pasado dividiuse en dúas partes: o Etherkids e o festival de música. Por un lado, o Etherkids son actividades de lecer para os meniños, o comportamento creativo é promovido através de novos contextos tendo a música electrónica como protagonista.
Por outro lado, o festival de música contará coa sesión vermú, que se conectará co resto das actuacións con presenza de artistas nacionais e internacionais de Techno, House e Disco principalmente.