O 22 de marzo será o XIX Mercado de Primavera do Valadouro
O sábado 22 de marzo, o Concello de Valadouro celebrará, como é tradición, o seu XIX Mercado de Primavera, un evento no que, ademais das habituais vendas, poderase gozar da degustación de produtos tradicionais.
O mercado adoita desenvolverase no centro da vila, desde as 10.00 horas ata as 19.00 horas. O Concello aínda non anunciou as datas oficiais para as solicitudes de adxudicación de postos.
Conferencias e coloquios adoitan completar a programación desta feira, que polo momento non está pechada, así como, actividades para os nenos, rutas, mostras, e un desfile de zocas.
Recoméndase que os homes asistan ao evento con pantalóns de pana, camisa de cadros e chaleco ou camisa lisa, mentres que as mulleres opten por saias medias longas e escuras, acompañadas de blusas e toquillas. Así como que os postos estean caracterizados para recrear un mercado dos anos 40 ou 50.
