O 17 de outubro haberá unha manifestación en apoio ao futuro da Mariña
O domingo 17 de outubro haberá unha manifestación en apoio ao futuro da Mariña lucense, da súa industria, infraestructuras e sanidade.
Esta mobilización terá saída dende a Crux Vermella de Viveiro ás 12.00 horas.
Esta comarca é o motor económico da provincia, xeradora de riqueza e emprego en sectores como a pesca, a madeira, o agro, os servizos, o turismo e, nas últimas décadas, na industria do aluminio, leva décadas clamando no deserto.
A Mariña “padece un abandono histórico e sistemático por parte das distintas administracións públicas e os distintos gobernos que se suceden en Madrid, Santiago e mesmo en Lugo”, dixeron dende a CIG.
Ecar, Maderas Lorenzo, ECESA, Gres Burela, IPV, Macesa, Conservas Alonso, Muebles Hermida, Alcoa, vestas son algúns dos exemplos mais chamativos, pero detrás hai outras moitas pequenas empresas que pecharon as portas, moitos comercios e autónomos que tiveron que baixar a persiana.
