Nova edición das xornadas dos doces afrodisíacos de Foz
Nova edición das xornadas dos doces afrodisíacos de Foz que se celebrará do venres 11 ao luns 14 deste mes.
Estas xornadas servirán para celebrar San Valentín e serán elaborados por tres pastelerías da vila e terán un prezo de 2 euros e entre os clientes que os compren sortearanse 10 vales de compra de 50 euros cada un. O sorteo será en RadioFoz o día 16 de febreiro, mércores.
O presidente de AciaAFozCCA, José Carlos Paleo, anima a participar “nestas xornadas gastronómicas tan doces”, a facer as compras para agasallar no Día dos Namorados nos establecementos comerciais focenses, que “ofrecen numerosas propostas para todos os gustos e a celebrar o Día de San Valentín na nosa hostalería”.
As xornadas dos doces afrodisíacos foron presentadas polos representantes das tres pastelerías presentes nesta cita desde o seu inicio: Fernando López, de Xoyma; Ángeles Casas, de Amarena; e Moncho Castro, de Anduriña.
ACIAFOZCCA
A Asociación de Comerciantes, Industriais e Autónomos de Foz, foi constituída no ano 1988 cunha clara finalidade: impulsar a actividade empresarial, especialmente a adicada ó pequeno comercio, que se desenvolve na comarca de A Mariña.
O obxectivo primordial deste Centro Comercial Aberto é converter esta comarca nun punto de referencia para os potenciais compradores, autónomos ou alleos, de xeito que a actividade empresarial e comercial ubicada na zona, se converta nunha forza plenamente competitiva no complicado mercado actual. A Asociación está presidida por José Carlos Paleo López dende o ano 2010.
A Asociación de Comerciantes, Industriais e Autónomos Centro Comercial Aberto de Foz pertenece á Federación Galega de Comercio e á Federación de Comercio da Mariña obtendo así todas as ventaxes en convenios con banca, transporte, asesoramento, tarxetas comerciais, páxinas web e outras ventaxes con distintos colectivos.
Realizan campañas promocionais para comercio e hostelería, e dispoñemos dunha tarxeta de fidelización: “O comercio fai pobo. Compra na túa vila”.