Mondoñedo acolle a 11ª Xuntanza de Clásicos cun completo programa para amantes do motor
A cidade de Mondoñedo converterase o próximo sábado 21 de xuño de 2025 no punto de encontro para os apaixonados dos vehículos clásicos. A 11ª edición da Xuntanza de Clásicos, organizada pola Asociación Móvete Mondoñedo "Mira e Anda", contará cun programa pensado para o desfrute de participantes e visitantes.
A xornada arrincará ás 10:00 horas coa recepción e inscrición de vehículos, durante a cal se entregarán os tíckets para a comida, ademais de pinchos e o sorteo de agasallos. Ás 12:00 horas iniciarase a ruta cos vehículos participantes, un paseo que permitirá admirar estas xoias sobre rodas en movemento.
Xa ás 14:00 horas, os asistentes compartirán mesa no Restaurante Finca San Antonio, onde ao remate da comida se entregarán premios e se celebrará un novo sorteo de regalos.
A inscrición ten un custo de 40 euros, e pode formalizarse a través dos teléfonos 636 496 439, 629 808 751 ou 605 372 045.