Mercar no comercio de Foz ata o 13 de xullo ten premio
![cartel_foz 2023 merca no teu comercio](https://amarinaxa.com/wp-content/uploads/2023/07/cartel_foz-2023-merca-no-teu-comercio-1.jpg)
Mercar no comercio de Foz dende este xoves, 6 de xullo e ata o 13 de xullo ten premio. En concreto 1.000 euros repartidos en tarxetas prepago de 300 e de 50 euros para seguir mercando no comercio da localidade.
A Federación de Comercio de Lugo, a Federación Galega de Comercio e a Consellería de Economía, Industria e Innovación – Dirección Xeral de Comercio e Consumo da Xunta de Galicia, coa colaboración neste caso do CCA de Foz, poñen en marcha a campaña de dinamización “Mercar no teu comercio ten premio”.
Así, todos os clientes de Foz que realicen compras no comercio de proximidade entre o 6 e o 13 de xullo, poden participar no sorteo en directo destos 1.000 euros en premios. Este sorteo terá lugar o xoves, 13 de xullo, ás 19.00 horas, na rúa Álvaro Cunqueiro (Praza do Concello). Previamente, os consumidores deberán canxear os seus tickets de compra por boletos de participación nunha carpa que se instalará dende ás 16.00 horas nesta mesma praza.
Dende esa hora, todos os clientes poderán ademáis optar a un agasallo directo participando na Ruleta da Fortuna da Federación de Comercio. A partir das 18.00 horas haberá tamén animación infantil.
A campaña Mercar no teu comercio ten premio, busca dinamizar o comercio de proximidade e incentivar o consumo. Con esta finalidade celebrarase entre xullo e outubro nun total de 9 localidades da provincia.
![cartel_foz_V5](https://amarinaxa.com/wp-content/uploads/thumbs/2023/07/cartel_foz-2023-merca-no-teu-comercio-scaled-200x282.jpg)