Melloran os camiños dos Fornos a Pesegueiro en Remourelle, en Ribadeo
Arrinca en Ribadeo Plan Avanza Rural coa licitación da mellora e ensanche dos camiños dos Fornos a Pesegueiro en Remourelle. O investimento ascende a 82.000 euros, segundo deu a coñecer o alcalde, Dani Vega. “Hai poucos días presentábamos o Plan Avanza Rural, cun obxectivo moi claro, mellorar as nosas infraestruturas. E agora xa o concretamos. Hoxe publicase na plataforma de contratos do Estado a licitación do contrato de obras, que neste caso procede da Xunta de Galicia, concretamente do Agader, vamos actuar en Remourelle, de Fornos a Pesegueiro e tamén vamos a mellorar todo o entorno da escola”.
Vega comentou que pouco a pouco actuarán en todas as parroquias, en todos os lugares, “porque necesitamos mellorar as nosas estradas e evidentemente nosoutros non temos unha capacidade orzamentaria para arranxar todas as nosas vías, necesitamos orzamento doutras administracións”. Neste caso, a Xunta achega a maior parte, “o Concello pon unha cantidade moi pequena, polo tanto debemos ter esa capacidade de xestión ante a Xunta de Galicia para que invista e así podamos ter unas boas estradas, unas boas infraestruturas”.
Mellorarán todo o pavimento, tamén evidentemente “imos a darlle máis ancho a esa vía, iso xa o diciamos cando estabamos na oposición, debemos darlle ancho ás nosas estradas e, evidentemente, vamos facelo así”.