Mariña Patrimonio organiza a charla ''Os contos eróticos na tradición oral'

Xosé Miranda explorará diversos aspectos relacionados cos relatos eróticos nesta actividade en Cervo

A Mariña Patrimonio organiza este sábado 28 de decembro, unha charla impartida polo escritor e experto en tradición oral, Xosé Miranda, baixo o título 'Os contos eróticos na tradición oral'. Durante a sesión, o relator explorará diversos aspectos relacionados cos relatos eróticos que forman parte do rico patrimonio oral de Galicia.

A actividade, que forma parte da programación destinada a promover o coñecemento e a preservación do patrimonio cultural inmaterial galego, terá lugar ás 12.00 horas na Sala As Carboeiras, situada no Conxunto Histórico-Artístico de Sargadelos, en Cervo.