Mariluz Álvarez foi a gañadora do cuarto Campañazo que organizou o CCA de Foz
Mariluz Álvarez Pérez foi a gañadora do cuarto Campañazo que organizou o CCA de Foz durante tres venres de xaneiro e o pasado 1 de febreiro. Esta muller recibiu 300 euros en vales de compra para consumir nos establecementos asociados ao Centro Comercial Aberto e que participaron nesta tradicional campaña. Mariluz Álvarez fíxose co cartón premiado en Lourdes Moda Íntima e cantou o bingo en Xoyma. No acto de entrega de premios participaron Olaya Pedrosa, secretaria de ACIA/CCA de Foz; Lourdes Caserío, de Lourdes Moda Íntima; e Fernando López, de Xoyma.
Varias persoas máis resultaron afortunadas cos outros 300 euros en premios desta cita. O Centro Comercial Aberto de Foz repartiu durante esta edición do Campañazo 2.400 euros en vales de compra.