Manuel Lourenzo recibe o premio Fernando Rey nos Mestre Mateo
![Manuel Lourenzo Web_mestre mateo](https://amarinaxa.com/wp-content/uploads/2021/04/Manuel-Lourenzo-Web_mestre-mateo.jpg)
O Teatro Colón da Coruña acolleu onte a Gala da XIX edición dos Mestre Mateo na que o actor, dramaturgo, director teatral, tradutor e docente Manuel Lourenzo recibirá o premio de honra Fernando Rey, en recoñecemento á súa extensa e prolífica traxectoria e á súa ireemplazable contribución á cultura galega.
Nacido en 1943 en Ferreira do Valadouro desde principios dos anos sesenta desenvolveu unha intensa actividade como actor, dramaturgo, director teatral, tradutor e dinamizador de diferentes iniciativas culturais. Fundador de O Facho, Teatro Circo, Escola Dramática Galega, Compañía Luís Seoane, Elsinor Teatro e a Compañía Casahamlet, a súa vocación docente converteuno en mestre de varias xeracións de intérpretes.
Figura referente no compromiso co teatro e a creación dramática, foron dous personaxes audiovisuais os que lle deron unha inmensa popularidade entre o público: o pescador Melgacho, na serie Mareas Vivas e Vicente Otero, Terito, na serie Fariña.
Recibiu numerosos recoñecementos o Premio Abrente (1978), o Premio Nacional de Literatura Dramática (1997), o Pedrón de Ouro (2001), o Premio Nacional dá Cultura Galega en Artes Escénicas (2008). É profesor Honoris Causa pola ESAD e Socio de Honra da Asociación de Escritores en Lingua Galega.
![mestre mateo manuel lourenzo](https://amarinaxa.com/wp-content/uploads/thumbs/2021/04/mestre-mateo-manuel-lourenzo-200x292.jpg)