Mañá reabre a praza de abastos de Ribadeo

A reapertura da praza de abastos de Ribadeo  terá lugar mañá, tras as obras de remodelación realizadas nas últimas semanas.

A reapertura da praza de abastos de Ribadeo  terá lugar mañá, tras as obras de remodelación realizadas nas últimas semanas. O investimento ascendeu a preto de 60.000 euros e incluíu, entre outras, melloras no saneamento, na iluminación, nos aseos ou no pavimento. O equipo de goberno visitou esta mañá a praza, onde os vendedores preparan os seus postos para abrilos de novo ao público.

As obras consistiron en reparacións importantes como a renovación do saneamento da praza e dos baños, a instalación eléctrica, traballos de pintura e a colocación do novo pavimento, ademais de novas luminarias led.

As instalacións da praza de abastos contarán cunha moderna máquina fregadora para proceder á súa limpeza.