Lourenzá e Deputación analizan melloras no barrio da Cazolga

Técnicos provinciais e municipais visitaron a zona para tratar actuacións de interese veciñal

Técnicos da Deputación de Lugo e membros do equipo de goberno do Concello de Lourenzá visitaron o barrio da Cazolga para analizar diversas melloras demandadas polos veciños. Entre os asuntos tratados destacaron o pintado da varanda da ponte e a limpeza das cunetas da estrada LU-P-2804, solicitudes que xa foran trasladadas anteriormente ao organismo provincial.

Ademais, achegáronse ao local da escola para supervisar as obras que se van acometer grazas a unha axuda da Deputación de Lugo, solicitada pola Asociación de Veciños San Pedro Fiz da Cazolga.