Lourenzá destaca os seus distintivos de Compromiso coa Calidade Turística

O Concello recoñece o esforzo dos servizos turísticos locais por mellorar a súa calidade e destacar na competencia

Dende o Concello de Lourenzá informan que os seus distintivos co Compromiso da Calidade Turística son unha acreditación que certifica e recoñece o esforzo realizado polos servizos turísticos locais. Este proxecto está impulsado pola Secretaría de Estado de Turismo, e a súa certificación valida o cumprimento dos requisitos establecidos na metodoloxía.

A distinción Compromiso coa Calidade Turística é un recoñecemento á aposta pola calidade e a mellora continua, e serve tamén para distinguir os servizos turísticos de Lourenzá da competencia, garantindo así un nivel de calidade que responde ás expectativas dos turistas.