Juan Manuel Basoa será o pregoeiro da Semana Santa de Viveiro 2025
A Xunta de Confrarías de Viveiro anunciou que o pregoeiro da Semana Santa de 2025 será o Reverendo D. Juan Manuel Basoa Rodríguez, un nome vinculado á cidade pola súa destacada labor pastoral e o seu forte compromiso coa identidade cristiá. A súa elección foi unánime por parte da directiva da Xunta de Confrarías, que valorou tanto a pegada que deixou en Viveiro como a súa capacidade de emocionar coa palabra.
D. Juan Manuel Basoa, nado en Madrid en 1966, pasou gran parte da súa vida en Galicia e conta cunha ampla traxectoria dentro da Igrexa. Ordenado sacerdote en 1992, desenvolveu a súa actividade pastoral en diversas localidades, entre elas Viveiro, onde estivo destinado desde 2014 ata 2022. Durante ese tempo, consolidou a Unidade Pastoral da cidade xunto a Xosé Román Escourido, converténdose nun referente espiritual para a comunidade.
Na actualidade, exerce como formador no Seminario Interdiocesano "Apóstol Santiago", en Santiago de Compostela. A Xunta de Confrarías mostrou a súa satisfacción por contar con el como pregoeiro, destacando a súa conexión coa Semana Santa viveirense e o seu compromiso coa transmisión da fe.