Javier Arias visitou as instalacións do Roq Park en Viveiro

Acolleron nas últimas semanas as xornadas de promoción de carreiras de orientación

O delegado territorial da Xunta en Lugo, Javier Arias, visitou as instalacións do Roq Park, en Viveiro, que acolleron nas últimas semanas as xornadas de promoción de carreiras de orientación no marco do programa de deporte escolar 'Xogade' da Xunta de Galicia.

Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.