Interceptado un motorista que triplicaba a taxa de alcohol
A Garda Civil interceptou un ciclomotor cuxo condutor cuadriplicaba a taxa de alcoholemia. O vehículo carecía de seguro e non tiña a ITV en vigor. Sucedeu ás 17.30 horas do pasado 13 de xullo, á altura do punto kilométrico 555.600 da N-634 (Irún-Santiago), no termo municipal de Ribadeo.
Os axentes, durante o desenvolvemento dun punto de verificación de alcoholemia, detiveron a marcha dun ciclomotor que ía conducido por un veciño de Ribadeo de 61 anos, que arroxou un resultado positivo de 1,02 mlgs/l.
A taxa cuadriplicaba o máximo permitido para o conductor implicado (0.25 mlsg/l). Solicitóuselle tanto a documentación persoal, como a do vehículo, e os axentes comprobaron que carecía de permiso de conducir por non telo obtivo nunca. O vehículo carecía de seguro obrigatorio e tampouco pasara a ITV.
Os sendos delitos dos que foi acusado con relación á seguridade vial foron remitidos a un dos xulgados de Instrucción de Mondoñedo (Lugo) e o condutor foi proposto para dúas sancións ante a Xefatura Provincial de Tráfico. Estas condutas están castigadas con penas de prisión de tres a seis meses ou multas de seis a doce meses ou traballos en beneficio da comunidade de un a 90 días ademais de privar ao infractor do dereito a conducir vehículos a motor e ciclomotores por tempo superior a un e ata catro anos.