Inaugurada a rúa Ribadeo en Loctudy, francia
AMariñaXa
O pasado sábado 1 de xullo de 2023 varios veciños de Ribadeo e Loctudy asistiron ao acto de inauguración da rúa ribadeo
![vecinos ribadeo rua Loktudi](https://amarinaxa.com/wp-content/uploads/2023/07/vecinos-ribadeo-rua-Loktudi.jpg)
5 Xul 2023
O pasado sábado 1 de xullo de 2023 varios veciños e veciñas de Ribadeo e Loctudy asistiron ao acto de inauguración dunha rúa que vai levar o nome de Ribadeo.
A tenente de alcalde do Concello de Loktudi, en representación do alcalde, Maryce Bernicot pronunciou unhas palabras en recoñecemento da fonda amizade e intercambio vivido por Ribadeo e Loctudy ao longo destes anos.
Na vila bretoa desexan continuar con esta experiencia de intercambio cultural. Pola súa banda, e no nome do alcalde de Ribadeo, Daniel Vega, leron unhas verbas de recoñecemento de dito irmanamento e o desexo mutuo de continuar co mesmo.
A Asociación de Irmandade Ribadeo-Loctudy convida a informarse e formar parte dela ou para participar en actividades, enviando mensaxe ao correo irmandade.ribadeo@gmail.com ou mediante WhatssApp ao 629 475 299.