Galegos, en Riotorto, celebra este sábado as súas festas

A verbena completarase cun espectáculo de roda cubana do grupo da localidade

A parroquia de Galegos, en Riotorto, celebra este sábado, 31 de maio, as súas festas na honra da Ascensión.

As celebracións darán comezo ás 13.45 horas cunha misa solemne seguida de procesión e sesión vermú, que estará ao cargo de Los Adrianos.

Pola noite ese mesmo grupo amenizará a verbena, que se completará cun espectáculo de roda cubana polo grupo de Galegos.