Ferreira do Valadouro prepárase para celebrar as súas festas

A romaría comeza o día 6 a partir das 23.00 horas co pregón a cargo de Ángeles Romero

Foto recurso

Ferreira do Valadouro celebra as súas festas dende este venres día 6 a partir das 23.00 horas co pregón a cargo de Ángeles Romero. A continuación terá lugar a actuación do grupo Puzzle. O sábado haberá sesión vermú a partir das 14.30 coa actuación do grupo Fussión Latina.

Pola noite, é a quenda da orquestra Foliada que actuará a partir das 23.30 horas. O programa continúa o domingo con misa solemne actuación da asociación cultural Amado Lar e sesión vermú co grupo Montreal. Nesta xornada, Metrópolis amenizará a sesión da noite a partir das 23.30 horas. O programa remata o luns día 9 con misa solemne, actuación da banda de música e sesión vermú con Acordes, que tamén amenizará a verbena a partir das 22.00 horas.