Ferreira do Valadouro celebra as súas festas en setembro
Ferreira do Valadouro presenta o programa das súas festas que celebrarán no mes de setembro. A romaría comeza o día 6 a partir das 23.00 horas co pregón a cargo de Ángeles Romero e a continuación terá lugar a actuación do grupo Puzzle. O sábado haberá sesión vermú a partir das 14.30 coa actuación do grupo Fussión Latina.
Pola noite, é a quenda da orquestra Foliada que actuará a partir das 23.30 horas. O programa continúa o domingo con misa solemne actuación da asociación cultural Amado Lar e sesión vermú co grupo Montreal. Nesta xornada, Metrópolis amenizará a sesión da noite a partir das 23.30 horas. O programa remata o luns día 9 con misa solemne, actuación da banda de música e sesión vermú con Acordes, que tamén amenizará a verbena a partir das 22.00 horas.
