Este verán é posible coñecer Ribadeo en 10 percorridos
Este verán é posible coñecer en 10 percorridos guiados o encanto cultural e natural de Ribadeo. Como producto estrela será posible realizar dúas visitas teatralizadas a de Ribadeo Ilustrado e a do Camiño do Encanto.
A visita teatral Ribadeo Ilustrado estará a cargo do grupo de teatro Os Quinquillans Teatro e serán todos os xoves de xullo, agosto e setembro ás 20.30 horas a partir do día 15 deste mes.
A do Camiño do Encanto a través dos relatos teatralizados que gardan os atractivos máis singulares da vila. Farase en bus e será o 18 de xullo e os días 1,15 e 29 de agosto con saída ás 10.30 horas da oficina de turismo.
Dende o punto de vista natural darase unha ampla visión do importante patrimonio xeolóxico presente ao longo de todo o litoral, que vai dende o conxunto de arcos rochosos máis importantes da península ata a maior estrutura xeolóxica da mariña lucense. Así, organízanse 4 Xeorutas.
Xeo-rutas
A primeira, a Xeo-ruta dos Arcos, para explorar o conxunto de arcos rochosos máis importante da península Ibérica. Será o xoves 8 e 22 de xullo; o martes 10, xoves 12, martes 24 e xoves 26 de agosto e martes 7, xoves 9 e venres 10 de setembro. Terán unha duración de 45 minutos e serán 1,5 quilómetros. O punto de encontro será o punto de Información Turística da Praia das Catedrais.
A Xeo-ruta da Ría servirá para descubrir a orixe da ría de Ribadeo, a súa evolución, e as formas que xerou nesta a erosión mariña e fluvial. Farase o xoves 1, martes 6 e martes 20 de xullo, o martes 3, xoves 5 e martes 17 de agosto, e o xoves 2 de setembro. Terá unha duración de 3,5 horas e percorreranse a pé 6,5 quilómetros. O punto de encontro será na oficina de turismo de Ribadeo
A seguinte xeo-ruta será a dos Pregues e servirá para mostrar unha das maiores estruturas xeolóxicas da Mariña Lucense, o gran pregue que se estende dende a Ría de Foz ata Ribadeo. Será unha ruta de 3 horas e de 4 quilómetros e farase o xoves 29 de xulo e o martes 31 de agosto. O punto de encontro será na área recreativa da Areosa de Piñeira.
A Xeo-ruta do Ollos farase o xoves 15 e martes 27 de xullo e o xoves 19 de agosto. Poderase gozar dos tesouros xeolóxicos deste treito litoral e do fermoso pobo mariñeiro de Rinlo nunha ruta de 3 horas e 5 quilómetros que comezarán na praza de Santa Catarina en Rinlo.
A través de 4 roteiros guiados e interpretados e 2 visitas teatralizadas, poderase gozar do fascinante patrimonio cultural e etnográfico presente en cada recuncho da vila e tamén do interior do Concello.
Visita teatral ao Ribadeo Ilustrado ás 20.30 horas diante do Concello
- Xullo: xoves 15, 22 e 29
- Agosto: xoves: 5, 12, 19 e 26
- Setembro: xoves 2 e 9
Visita teatralizada ao Camiño do Encanto ás 10.30 horas dende a o ficina de turismo de Ribadeo
- Xullo: domingo 18
- Agosto: domingo 1, 15 e 29
Visita guiada ao Santuario de Nosa Señora das Virtudes ás 11.30 horas dende o Santuario
- Xullo: luns 5, 12, 19 e 26
- Agosto: luns 2, 9, 16, 23 e 30
Visita guiada ao Ribadeo Indiano ás 11.30 horas diante da Oficina de Turismo de Ribadeo
- Xullo: mércores 7, 14, 21 e 28.
- Agosto: mércores 4, 11, 18 e 25.
Visita guiada ao Ribadeo Ilustrado ás 11.30 horas diante da Oficina de Turismo de Ribadeo
- Xullo: venres 2, 9, 16, 23 e 30.
- Agosto: venres 6, 13, 20 e 27.
Visita guiada ao Ribadeo Antigo ás 11.30 horas diante da Oficina de Turismo de Ribadeo
- Xullo: sábado 10, 17, 24 e 31 .
- Agosto: sábado 7, 14,21 e 28
