Este domingo celébrase a primeira xornada do festival Osa do Mar de Burela
![osa do mar burela 2](https://amarinaxa.com/wp-content/uploads/2021/05/osa-do-mar-burela-2.jpg)
O Osa do Mar de Burela, que chega este ano á súa sétima edición, terá o seu primeiro asalto este domingo, 16 de maio para deixar para o 24 e 25 de setembro a segunda xornada musical. Por mor da pandemia, haberá cambios no propio festival, xa que só haberá como único escenario a casa da cultura de Burela.
Así, o día 16 ás 19.00 horas haberá un coloquio sobre o estado do Galego na música. Con Emilio López (Skornabois e Safari Orquestra), Manolo Maseda (Diplomaticos de Monte Alto), Nuno Pico (Grande Amore, Oh! Ayatollah e Skolhma) e Antía Muiño (cantautora).
Xa ás 20.00 horas será o concerto de Antía Muíño e ás 21.00 horas o de Grande Amore.
As entradas, 10 euros cos gastos de xestión incluidos, poderanse mercar a partir do mércores 5 de maio ás 12.00 horas na web www.entradium.com.
![festival osa do mar burela](https://amarinaxa.com/wp-content/uploads/thumbs/2021/05/festival-osa-do-mar-burela-200x200.jpg)