Cultura

Esta semana o deporte e a música xuntaranse no Vicedo, así dará comezo o mércores 11 con sendeirismo e kayaks cunha divertida ruta

Esta semana o deporte e a música xuntaranse no Vicedo, así dará comezo o mércores 11 con sendeirismo e kayaks cunha divertida ruta entre o miradoiro de Muronovo e Ribeiras do Sor, para o sendeirismo, e entre Ribeiras do Sor e o porto do Vicedo, para os kayaks. Esta ruta ten as prazas agotadas xa.

O xoves 12 ás 20.30 horas na casa da cultura será a entrega de premios do Concurso de fotografía Turística Concello do Vicedo, neste caso dedicado ao patrimonio histórico.

Xa o venres 13 a charanga femenina Brassica Rapa amenizará a tarde-noite do Vicedo cos seus ritmos pegadizos polas rúas e locais hosteleiros do núcleo. Será a partir das 21.00 horas.