Esta fin de semana chegan as XVII Xornadas Mar por Medio de Ribadeo
Ribadeo acollerá esta fin de semana as XVII Xornadas Mar por Medio, que durante moitos anos valeron para a proxección, análise, debate e estudo do que é a Galicia contemporánea.
Esta cita foi fundada polo que foi director do Centro de Estudos Galegos na Universidade de Oxford, John Rutherford, e que vinculou a este Concello singular da mariña lucense aos máis altos especialistas na visión e no estudo pormenorizado de moitísimas temáticas diferentes.
Ademais da temática que ten que ver cos camiños e cos peregrinos, haberá momentos para o lecer como é a actividade musical e tamén para facer unha referencia a unha poetisa ribadense da que este ano celebramos o seu centenario Luz Pozo Garza, a importancia da súa figura e da súa persoa estará presenta tamén nestas xornadas
Tamén analizaranse diversos aspectos do Camiño de Santiago e o fenómeno Xacobeo en xeral, coa participación de catedráticos de diferentes universidades, Académicos entre os que se atopa o Deán da Catedral de Santiago, D. José Fernández Lago, e persoas expertas en cada un dos temas que se van tratar, como poder ser a xornalista Esther Eiros no eido da comunicación. Ademais dentro das diversas actuacións musicais cabe destacar a intervención de María do Ceo.
O programa das xornadas, que terán lugar entre o 16 e o 18 de setembro en Ribadeo, está xa completamento pechado e para asistir hai que anotarse a través da web.
