Asociación Cultural Mistura de Lieiro: “Queremos consolidar o Festival Folklórico Internacional“

Quen se atopa ao fronte da asociación?

Ao frente da asociación estou eu, Claudio López, que levo desde o ano 2006 sendo presidente.

Como e cando naceu o grupo folclóriko Mistura?

Mistura naceu no ano 1982 por medio da asociación de veciños de Lieiro que tiña moitas ganas de formar un grupo folklorico.

Cantas persoas forman a asociación?

Pois ao principio, cando se formou a asociación chegou a ter 130 alumnos, pero agora mesmo contamos con 70 de distintas idades, os máis pequenos que van de 3 a 6 anos, outro grupo que vai de 6 a 10, despois esta o grupo de medianos hasta 14 anos e o grupo de adultos. Entre todos eles englóbanse os músicos e os bailaríns.

Nas súas filas tiveron membros moi destacados hoxe en día?

Pois contamos con Ricardo, que é profesor no Conservatorio de Viveiro, ou Rodrigo, que é mestre de Educación Musical en varios centros educativos da comarca. Pero ademais destes veciños, que son menos coñecidos, nas nosas filas estiveron Lara Méndez, alcaldesa de Lugo, e Antonio Basanta, o director xeral de Pesca, Acuicultura e Innovación Tecnolóxica na Xunta de Galicia.

Que tipo de actividades fan?

Pois durante toda a semana impartimos clases de gaita, tambor e pandeireta, para nenos e adultos.

Ademáis do festival participamos na Festa do Ourizo de Cevo, tamén colaboramos na Maruxaina e en distintos actos que fai o Concello. Esperamos tamen en breves facer salidas por Europa como se facía antes, Mistura ten unha traxectoria amplia e visitou prácticamente toda Europa representando a España e a Cervo e sempre tivemos unha boa aceptación.

Cales son os obxectivos que perseguen?

Os obxetivos principales é manter ao grupo e sacar nenos adiante. Traballar cos nenos é o noso principal motivo e que podan chegar a bailar no noso acto central, que é o Festival.

Que proxectos de futuro teñen?

Pois dentro dos nosos proxectos de futuro temos o de consolidar o Festival Folklórico Internacional e que como dixen antes que o grupo se manteña activo.

Como se mantén unha asociación como esta?

A asociación mantense coa aportación dos alumnos, a venda de rifas e de lotería de Nadal, tamén contamos con subvencións e o Concello colabora con nós sobre todo no Festival Internacional.

Como se presenta a vindeira tempada?

Para a tempada que vén esperamos retomar o Festival Internacional que estivo parado durante a pandemia, e este é o acto máis importante que realizamos, e esperemos que siga por moitos anos. Ademais seguiramos coas clases de baile e música tradicional.

O Festival Folklórico Internacional de San Cibrao, é o acto máis importante que organizan?

Si. É un festival que se organiza dende principios dos 90 e a idea xurdiu por medio de Baldomero Iglesias que de aquela era o presidente da asociación. É un acto que congrega moita xente e ten moitos meses de traballo enriba e gustaríanos conservalo por moitos anos máis. nel participan grupos de todo o mundo como no último, o do 2019, no que estivon colectivos de Rusia, de Almería ou de Sri Lanka.

Cre que é importante a música e o baile dende pequeno?

Creo que si. Xa dende pequenos é moi importante e sobre todo hoxe en día que o baile e a música tradicional están en auxe. Ademais aos nenos venlles moi ben e ao mesmo tempo aprenden disciplina e sociabilizan entre eles e con outros grupos. Tamén hai que dicir que este tipo de actividades apréndense moi rápido e moi facilmente dende cativos.