Entregan no ceip de Xove o libro elaborado polos alumnos
TerraChaXa | AMariñaXa
Entregan no ceip de Xove o libro elaborado polos alumnos. Trátase dun traballo financiado polo Pacto de Estado contra a violencia de xénero
22 Dec 2020
A Delegación Municipal de Igualdade do Concello de Xove organizou, en colaboración co Ceip Plurilingüe Pedro Caselles Rollán, un proxecto socioeducativo consistente na elaboración do conto O bote das bolboretas, realizado polos nenos e nenas de 5º de Primaria, sobre a igualdade e a prevención da violencia de xénero.
Trátase dun traballo financiado con fondos do Pacto de Estado contra a violencia de xénero a través da Secretaría Xeral da Igualdade da xunta de Galicia.
O alcalde Demetrio Salgueiro e a concelleira de Igualdade, Ana Abad, fixeron entrega dos ejemplares do libro para o alumnado de Infantil e Primaria e para o profesorado do Ceip Pedro Caselles Rollán. Con posterioridade, tamén deixaron algúns ejemplares no IES Illa de Sarón.