Entregados os premios aos gañadores do último campañazo do CCA de Foz
Entregados os premios aos gañadores do cuarto e último Campañazo de novembro do CCA de Foz. Pili Palmeiro, Teresa Barrientos e Isidoro García cantaron bingo en Xoyma e repartíronse o primeiro premio de 300 euros en vales de compra para gastar nos comercios participantes. Os cartóns afortunados fóronlles entregados en Moda íntima Lourdes, na Estación de Servicio de Foz e en Xoyma. Os tres afortunados seguiron o sorteo en Xoyma, onde nas últimas horas recibiron o seu premio.
Outras cinco persoas resultaron premiadas nesta cita e levaron os outros 300 euros en vales de compra.
No acto de entrega dos premios participaron a secretaria de ACIA/CCA de Foz, Olaya Pedrosa; Ángeles Piñeiro, de Xoyma; e Lourdes Caserío, de Moda íntima Lourdes, que estiveron xunto aos afortunados.
En total nos catro sorteos celebrados durante o pasado mes de novembro o Centro Comercial Aberto de Foz repartiu 2.400 euros en vales de compra para consumir nos locais que participaron nesta tradicional campaña.