Entrega dos últimos premios das xornadas gastronómicas de Foz
AMariñaXa
O concelleiro de Comercio focense, Chema Linares, entregou os dez premios do sorteo para os participantes das cuartas xornadas gastronómicas.
![xornadas gastronomicas foz](https://amarinaxa.com/wp-content/uploads/2021/04/xornadas-gastronomicas-foz-1.jpg)
24 Abr 2021
O concelleiro de Comercio focense, Chema Linares, entregou onte, venres, no Cenima os dez premios do sorteo para os participantes das cuartas xornadas gastronómicas da iniciativa imPULSA Foz, que se celebraron a pasada fin de semana e estiveron dedicadas aos produtos da horta da Mariña.
Durante as catro xornadas gastronómicas imPULSA Foz celebradas en marzo e neste mes de abril houbo un total de 40 premios, consistentes en vales de compra de 50 euros cada un para gastar na hostalería e no comercio focenses.
As xornadas gastronómicas imPULSA Foz foron organizadas polo Concello coa colaboración da ACIA local dentro do plan municipal de impulso á hostalería e ao comercio de Foz.