Educando en Familia de Ribadeo falará sobre o risco nas novas tecnoloxías
![novas tecnoloxias nenos](https://amarinaxa.com/wp-content/uploads/2021/04/novas-tecnoloxias-nenos.jpg)
A Concellaría de Ensino xunto con Educando en Familia organizan unha charla sobre o risco no uso das novas tecnoloxías e o acoso escolar dirixida ás familias de Ribadeo.
Nesta sesión formativa, que terá lugar o vindeiro luns, 3 de maio, ás 10:30 horas no Teatro de Ribadeo, abordaranse contidos relacionados co bo uso, sen abuso, seguro e responsable das novas tecnoloxías da información e comunicación (TIC) por parte dos fillos/as e o acoso escolar.
A charla será impartida por formadores do corpo da Garda Civil.
O obxectivo desta charla é ofrecer ás familias recomendacións útiles sobre o uso que se fai das novas tecnoloxías é reflexionar sobre como se pode protexer aos máis pequenos e educalos nun uso seguro e responsable das mesmas. Así mesmo, explicarase en qué consiste o acoso escolar e como se pode previr, axudando así aos nenos a poder detectalo e como superalo.
Debido ás restricións actuais, o aforo será limitado.