Ecoloxistas en Acción denuncian a falta de avaliación ambiental na autorización do emisario submariño de Alcoa
Ecoloxistas en Acción denuncian a falta de avaliación ambiental na autorización do emisario submariño do complexo de Alcoa. Presentaron alegacións á solicitude de concesión administrativa para a ocupación de terreos de dominio público marítimo-terrestre con destino a emisario submarino para evacuación das augas residuais procedentes do complexo industrial de Alcoa en San Cibrao.
A organización sinala que segundo informa a propia empresa metalúrxica, Alcoa dispón na súa planta de aluminio de San Cibrao de dous emisarios submarinos para verter os residuos industriais ao mar. Estes emisarios son supostamente parte do proxecto inicial do complexo industrial, cuxa autorización de verteduras data de 1979. Con todo, a pesar de levar décadas en funcionamento e ser utilizado como avaliación de verteduras na actualidade, Alcoa di descubrir recentemente estas tubaxes, unha das cales xa non está en servizo, e solicita, agora, a concesión administrativa para a ocupación de terreos de dominio público marítimo-terrestre para o emisario submarino.
Ecoloxistas en Acción denuncia que se solicita a autorización sen achegar unha avaliación de impacto ambiental da vertedura destes residuos ao mar Cantábrico. “Non se avalía as afeccións ao ecosistema mariño nin ás zonas de alto valor ambiental, incluídas en Rede Natura 2000. Tampouco hai un estudo da composición dos residuos evacuados e o impacto acumulado na calidade das augas tras décadas de vertedura continuada”, alerta Cristóbal López, voceiro da organización ecoloxista.
Pola ausencia, no procedemento, dunha evaluación do impacto ambiental, tanto da infraestructura en sí, como dos vertidos evacuados por ela, a organización ecoloxista solicitou ao Servicio Provincial de Costas en Lugo que denegue á concesión administrativa para a ocupación de terreos de dominio público marítimo-terrestre con destino ao emisario submariño para evacuación das augas residais procedentes do complexo industrial de Alcoa en San Cibrao.
Ecoloxistas en Acción demandou, ademais ao Ministerio, que de forma cautelar se clausure o emisario submariño mentres non conte coa autorización de ocupación e que esta non se conceda ata que se realice un estudo sobre a calidade das augas na contorna da zona de difusión do emisario submarino realizando analíticas nos parámetros asociados aos procesos industriais da planta.