Creatividade e reciclaxe no Cervo Concilia cunha actividade sobre o mar

Pequenos e pequenas elaboraron máscaras de buceo a partir de material de refugallo

O programa Cervo Concilia volveu apostar pola creatividade e a conciencia ambiental cunha divertida actividade na que os máis pequenos e pequenas elaboraron máscaras de buceo a partir de material de refugallo.

A proposta permitiu que un grupo cos máis pequenos puxese a imaxinación a traballar mentres reciclaban de forma lúdica, transformando materiais en desuso en orixinais complementos mariños.

A iniciativa tivo como temática o mundo submarino, convidando aos nenos e nenas a soñar con aventuras baixo o mar ao tempo que aprendían a importancia de reutilizar e coidar o medio.