Continúan os cursos de natación no Valadouro

O Goberno do Valadouro segue a apostar por dinamizar a oferta cultural e social nestes meses de verán para a veciñanza do municipio.

O Goberno do Valadouro segue a apostar por dinamizar a oferta cultural e social nestes meses de verán para a veciñanza do municipio. Continúan así cos cursos de natación que imparten nas instalacións das piscinas municipais. A vindeira sesión terá lugar o venres 9 de agosto en sesión de mañá e tarde. Impartirase en horario de 12.15 a 14.00 horas e de 16.30 a 18.30.

Trátase dunha actividade, que xa ofreceron durante o mes de xuño, que está promovida pola Concellería de Deportes do Concello do Valadouro e que mantén o seu carácter gratuíto. Os cursos están dirixidos a usuarios de todas as idades.