Comezan os traballos de mellora e de acondicionamento do cruce das Catro Calles
AMariñaXa
Comezan os traballos de mellora e de acondicionamento do cruce das Catro Calles. Estarán rematados a finais de novembro.
![ribadeo cruce das Catro Calles obras](https://amarinaxa.com/wp-content/uploads/2021/10/ribadeo-cruce-das-Catro-Calles-obras.jpg)
29 Out 2021
Comezan os traballos de mellora e de acondicionamento do cruce das Catro Calles e esperan que estean rematados a finais de novembro.
Dende o Concello comunicaron que xa hai uns meses decidiron elaborar un proxecto para intervir neste punto e reconstruír e reparar esta zona con baldosa de granito gris e cuns grosores que non alteren a cota da rúa. Así mellorarase a seguridade ao tempo que tamén se fará coa estética desta parte tan central do conxunto histórico da vila.
O investimento supón un orzamento de máis de 23.000 euros e financiarase por parte do Concello de Ribadeo con fondos propios e tamén coa achega do Ministerio de Transportes, Mobilidade e Axenda Urbana, a través do convenio asinado da Área de Rehabilitación Integral de Ribadeo.