Viveiro inicia os traballos de auditoría do alumeado público
![viveiro-alumeado](https://amarinaxa.com/wp-content/uploads/2024/05/viveiro-alumeado.jpg)
Comezan os traballos de auditoría das instalacións exteriores do alumeado público municipal. A empresa Energal, especializada neste tipo de tarefas, é a encargada dos traballos de campo, que farán necesario o acendido puntual de parte do alumeado durante o día.
“Estes traballos son o paso previo á renovación da rede pública municipal, co obxectivo de ter un servizo máis eficiente e obter un aforro na factura”, explica Míriam Bermúdez, tenente de alcaldesa de Viveiro.
Viveiro contará a finais de ano cunha empresa de servizos enerxéticos, ESE, que será a encargada de xestionar o alumeado público. “Esta empresa investirá na renovación da rede, apostando pola tecnoloxía LED nos puntos de luz para que Viveiro conte cun servizo mellor, máis respectuoso co medio ambiente e máis eficiente”, engade.