Cervo organiza un faladoiro sobre a xestión emocional e o envellecemento activo

Está dirixido á poboación en xeral, e nesta ocasión a temática xirará en torno á xestión emocional, ao envellecemento activo e á importancia da contorna

Imaxe de arquivo

Este martes, Cervo organiza un novo faladoiro de Charlando dentro do programa Arruguiñas. Terá lugar a partir das 18.30 horas no local social da asociación de Xubilados Terramar, na Casa do Mar. Está dirixido á poboación en xeral, e nesta ocasión a temática xirará en torno á xestión emocional, ao envellecemento activo e á importancia da contorna.

Estas sesións están dirixidas por María José Novoa, traballadora social e coach e Sonia Nogueiras, psicóloga.