Cervo acolle o VI Torneo Maruxaina de fútbol
![torneo maruxaina futbol 2023](https://amarinaxa.com/wp-content/uploads/2023/08/torneo-maruxaina-futbol-2023-1.jpg)
O Concello de Cervo acollerá o VI Torneo Maruxaina, ás 20.00 horas, no Campo da Veiga. Un encontro no que se darán cita O C.D. San Ciprián e a U.D. Xove Lago
Este evento deportivo vén a ser o complemento para a Festa da Maruxaina que comezará o venres coa Pre-Maruxaina e co gran chupinazo ás 19.00 horas, seguido da concentración de Maruxainos e Maruxainas na Praza dos Campos, onde haberá degustación de empanadas típicas galegas e bolos preñados. Ás 21.00 horas está previsto o nomeamento do Maruxaino ou Maruxaina de Honra 2023, a cargo da Asociación Amigos da Maruxaina.
Xa o sábado, 12 de agosto, será o día grande, que estará animado desde primeira hora polo ritmo de diferentes charangas e gaiteiros. Xa ás 23.00 horas será o desembarco da Maruxaina na Praia do Torno. Durante o traxecto as persoas asistentes poderán gozar dun espectáculo de fogos de artificio.
Ás 00.00 horas será o gran xuízo popular, seguido dunha degustación de balde de queimada na Praza dos Campos. A continuación, haberá verbena na Praza dos Campos
![torneo maruxaina futbol 2023](https://amarinaxa.com/wp-content/uploads/thumbs/2023/08/torneo-maruxaina-futbol-2023-200x295.jpg)