Carmen Domech achega o seu espectáculo infantil 'Onde viven os monstros' a Foz

Continúa o programa da Biblioteca de Foz que se pon en marcha nos meses de marzo, abril e maio.

Continúa o programa da Biblioteca de Foz que se pon en marcha nos meses de marzo, abril e maio. Este venres a Casa da Cultura acolle o teatro infantil de Carmen Domech, Onde viven os monstros. A representación teatral comezará ás 18.30 horas e as entradas son de balde.

Nesta trama Max crea na súa habitación un mundo imaxinario onde é libre. Libre mesmo para ser monstro, o máis monstro de todos. Na súa aventura, desafía aos seus propios medos, a frustración, a rabia, a incomprensión ou o temor ao rexeitamento. Finalmente, botar de menos o amor da súa nai faino regresar a casa e comprende que sempre hay que respectar aos demais.