Carballido, en Alfoz, presenta o cartel do San Roque
Carballido, en Alfoz, presenta o cartel do San Roque, un programa pensando en satisfacer os distintos gustos musicais. A cita, que terá lugar no adrio de Carballido, será os días 16, 17 e 18 de agosto. Para os máis rockeiros contarán o venres día 16 co bo facer do Grupo Claxxon, uns mestres no seu estilo, acompañados tamén do dúo Belinda
Para os máis discotequeiros contarán o sábado 17 con DJ Balbin, que estará acompñado do Grupo Montreal para os máis bailadores, e o domingo 18 co case DJ residente Pablo Paleo Ramos e a súa espectacular Conxuro Disco Móvil.
Ademais, os asistentes tamén poderán gozar da mellor orquestra de Galicia no seu estilo sen dúbida ningunha, a Orquesta Los Satélites. E para os que gustan dun bo churrasco acompañado da mellor música, o domingo 18 terá lugar a nosa tradicional macrochurrascada.
