Cambio de circulación na estrada das Nogueiras, en Viveiro, polo Día de Defuntos

O Concello de Viveiro anuncia que, con motivo do Día de Defuntos, se vai poñer sentido único na estrada das Nogueiras

O Concello de Viveiro anuncia que, con motivo do Día de Defuntos, dende hoxe venres 28 de outubro pola tarde ata o mércores día 2 de novembro se vai poñer sentido único na estrada das Nogueiras, dende o cemiterio municipal ata a zona de San Lázaro.

O Concello toma esta medida, como en anos anteriores, co obxectivo de mellorar a circulación na zona, moi transitada estes días.