Mondoñedo acolle o espectáculo A aldea das mulleres
O auditorio Pascual Veiga de Mondoñedo acolle o venres 11 de xuño ás 20.00 horas o novo espectáculo de Carmen Conde, A aldea das mulleres.
Esta obra está dirixida a un público xuvenil e adulto e a entrada é de balde pero haberá que reservar a enrada na oficina de turismo.
Mentres ela vai debagando historias, con ese poder simbólico que ten “buscarse os feixóns”, constrúe a aldea das mulleres con relatos das habitantes, que rexen o seu destino, teñen as súas leis, viven emancipadas e tallan en pedra ornamentada os seus nomes para a Historia. E, como fío condutor, unha legume chea de supersticións, maldita, cargada de ánimas, empregada para a xustiza, como afrodisíaco e como o único para roer en tempos da fame.
Fabas e mulleres nunha sesión-aldea que acubilla liberdades, rompe silencios e achega ao público historias apañadas da horta da realidade.
