Berta Dávila presenta a súa última novela en Foz
![berta_davila](https://amarinaxa.com/wp-content/uploads/2024/04/berta_davila.jpg)
Berta Dávila presenta a súa última novela, A ferida imaxinaria, en Foz. Terá lugar o vindeiro xoves 18 de abril a partir das 20.30 horas na Libraría Bahía. Ademais de dar a coñecer o seu libro, organizarase un coloquio arredor del.
Esta actividade encádrase dentro da programación do club de lectura A carón dos libros que promove a libraría. Trátase dunha proposta aberta para todo o público que queira asistir. Berta Dávila é unha das voces máis orixinais dentro da nova narrativa galega tanto nos temas que aborda como nas técnicas de escrita que escolle.
Recibiu o premio nacional da crítica en 2019 pola novela Carrusel e o premio Xerais de narrativa 2021 por Os seres queridos. Ademais de narrativa tamén é autora do poemario A Raíz da fenda polo que acadou o premio nacional da Crítica en 2013.